काठमाडौं— काठमाडौंको तीनकुने क्षेत्रमा चैत १५ गते आगजनी तथा तोडफोड गर्ने थप एक जना पक्राउ परेका छन्।

जिल्ला प्रहरी परिसर काठमाडौंको टोलीले नुवाकोटको लिखु गाउँपालिका ३ घर भई हाल काठमाडौं महानगरपालिका ७ बस्ने ७२ वर्षका खेमराज सेढाईलाई पक्राउ गरेको हो।

अझै केही व्यक्ति फरार रहेको र उनीहरुको पनि खोजि भइरहेको प्रहरीले जानकारी दिएको छ। तीनकुने घटनामा संलग्न रहेको आरोपमा राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र र उक्त प्रदर्शनका कमाण्डर दुर्गा प्रसाईंसहित ८५ जनाभन्दा बढी हिरासतमा छन्। उनीहरुलाई थुनामा राखेर प्रहरीले अनुसन्धान गरिरहेको छ।

२५ जनालाई राज्यविरुद्धको कसुरसहितका मुद्दामा र बाँकीलाई आपराधिक उपद्रवमा अनुसन्धान गरिरहेको छ।