एजेन्सी । पश्चिमी सुडानको मारा पर्वतीय क्षेत्रको गाउँमा पहिरो जाँदा १ हजार जनाको मृत्यु भएको छ। सुडान लिबरेशन आर्मीका अनुसार भारी वर्षापछि आएको पहिरोमा कम्तिमा १ हजार मानिसको मृत्यु भएको र केवल एक जना बाँचेका छन्।

सुडान लिबरेशन आर्मीले जारी गरेको विज्ञप्तिमा भनिएको छ, ‘प्रारम्भिक जानकारीले सबै गाउँका बासिन्दाहरूको मृत्यु भएको संकेत गर्दछ, अनुमानित एक हजारभन्दा बढी व्यक्तिहरू, जसमध्ये एक जना मात्र बाँचेका छन्।’

अन्तर्राष्ट्रिय सञ्चारमाध्यमअनुसार दार्फुर क्षेत्रमा अवस्थित क्षेत्रलाई नियन्त्रण गर्ने आन्दोलन/ आर्मिले मृतकहरूमध्ये पुरुष, महिला र बालबालिका रहेका जनाउँदै शवहरूको खोज तथा उद्धारका लागि संयुक्त राष्ट्रसंघ र अन्तर्राष्ट्रिय राहत संस्थाहरूलाई आपतकालीन सहयोगको आग्रह गरेको छ।

पहिरो गएको गाउँ पहिल्यैदेखि दारफुरमा जारी युद्धबाट विस्थापित भएकाहरूको आश्रयस्थल बनेको थियो। उत्तर दारफुर राज्यबाट सुडानी सेना र अर्धसैनिक बीचको संघर्षका कारण भागेर मानिसहरू मर्रा पर्वततर्फ पुगेका थिए। दुई वर्षको गृहयुद्धले आधा भन्दा बढी जनसंख्यालाई संकटको स्तरको भोकको सामना गरिरहेको छ । उत्तर दार्फुर राज्यको राजधानी अल-फशीरको साथ लाखौंलाई घरबाट निकाला गरेको छ।