अभिनेत्री रेखा थापा लिङ्देन प्यानलबाट राप्रपाको महामन्त्रीमा उठ्ने



नायिका रेखा थापाले राप्रपाको महामन्त्रीमा उम्मेदवारी दिने घोषणा गर्नुभएको छ । 

बुधवारदेखि काठमाडौंमा शुरु भएको राप्रपाको महाधिवेशन अन्तर्गत उम्मदेवारी दर्तालगायत कार्यक्रम बिहीबार हुनेछ। राप्रपा नेता समेत रहनुभएका रेखाले पार्टीको महामन्त्री पदमा उठ्ने तयारी गर्नुभएको हो । 

राप्रपामा अध्यक्ष कमल थापा र पूर्वमहामन्त्री तथा सांसद राजेन्द्र लिङ्देनले अध्यक्षमा प्रतिस्पर्धा गर्नुुहने भएको छ ।  

रेखाले लिङ्देन पक्षबाट महामन्त्री पदमा उठ्ने तयारी गर्नुभएको हो । महामन्त्रीमा रेखासहित लिङ्देन पक्षबाटै नेता गोविन्द खनिया र नेपालगञ्ज उपमहानगरका मेयरसमेत रहेका नेता धवलशम्शेर राणा पनि आकांक्षी छन्।

बुधवार उद्घाटन सत्र सकिएपछि बन्द सत्र शुरु हुनेछ। बिहीबार उम्मेदवारको मनोनयन दर्ता र निर्वाचन हुने महाधिवेशन कार्यतालिका रहेको छ।

प्रतिक्रिया दिनुहोस्
© 2022 Intro Nepal